Просмотров: 1084

Халлаан хас да күн сабардаан турбут хараҥа былыттарын халбарытан, аламай маҥан күнүн сайыҥҥылыы сандаарыччы күлүмнэтэ көрдөрөн, бэл айылҕалыын, тулалыыр эйгэлиин бу ураты тыыннаах-салгыннаах тэрээһини айхаллаата.

Бу күн торумнаммытын курдук алгыстаах аартыктар айар дьону Халамнаайыга сирдээтилэр.

Улуу убайбыт Былатыан Ойуунускай төрөөбүтэ 125 сылын көрсө Таатта "таҥаралаах" бэйиэт, доҕуһуолдьут, Олоҥхо тыйаатырын бас-көс киһитэ Битээлий Былааһап "Ойуунускайга сүгүрүйүү" диэн хоһоон уонна ырыа, кырыымпа уонна хомус, олоҥхо уонна тойук дьүөрэлэспит, ситимнэммит-силбэспит дьүрүскэн эйгэтин тэрийдэ.

Оҕо Былатыан үрүҥ тыынын өллөйдөөбүт, харыһыҋбыт-таптаабыт, үтэлээн күлүм аллаппыт Халамнаайы кытылыгар Ойуунускай "Оҕо куйуурдуу турара", "Кээрэкээн Ойуун", "Соломуон Муударай", "Дойду оҕото Дорогуунап Ньукулай", "Өрүөл кэриэһэ", "Сүүс сыллаах улуу былаан", "Таатта үрэх үрдүгэр" айымньылара Битээлий Былааһап уонна "Кыл Саха" бөлөх толорууларыгар бар дьон сэҥээриитигэр таҕыстылар. Улуу убайбыт тыыннаах айымньылара - "кэхтибэт кэрэкэ тыллара" хоһоон-кэпсээн-ырыа-кылыһах--ойуу тыл- буолан, куйаарга көтөн, көрөөччү -иитээччи этин сааһын ортотунан киирэн, араас иэйиини үөскэттилэр.

Просмотров: 320

Доҕорум Куола быйыл 60 сыла.
Ахтабыт-суохтуубут...

2019

Просмотров: 582

WhatsApp Image 2018 11 17 at 14.46.59 adad5Аэропортка аат талыы (Россия бастыҥ ааттара диэн конкурс)

... Ордугурҕаан, үгүстэр мэниктээн утараллар. Ити мин Дьокуускай аэропордугар Ойуунускай аатын иҥэрэргэ утарар аҕыйах дьону этэбин. Биһиги Ойуунускай сүгүрүйээччилэрэ эрэнэбит-итэҕэйэбит, Ойуунускай бэйэтин тылларыныы: "Өлөртөн өлбөт өйү, Өйүнэн өлбөт бэйэни" диэн үйэлэри уҥуордуур саха омук кэхтибэт кэс тылларын дьоммут-сэргэбит өйдүөҕэ, Дьокуускай аэропордун уораҕайыгар Ойуунускай аата иҥэриллэрин саха норуота өйүөҕэ! Биһиги кыайыахпыт!

Аҕыс кырыы

Биһиги өбүгэлэрбит ууну, уоту, тимир руданы курдары ааспыт сүдү саханы "Аҕыс кырыылаах киһи" дииллэр эбит.

19-с үйэҕэ Манчаары Баһылай күлүүстээх тимир хаайыы эрэйин-муҥун билэн, норуотугар кырдьык, көҥүл иһин охсуспут саха омук дьоруойа буолан номоххо хаалбыт.
Оттон 20-с үйэҕэ саха норуотугар Ойуунускай курдук дайбааһыннаах-далааһыннаах кылааты ким да киллэрбэтэ. Онон бу эрэйи-буруйу билбит, норуот уолун аатын ылбыт икки үйэ чулуу дьоно Аҕыс кырыылаах саха бастыҥ бэлиэ хоһууттара буолаллар эбит.

Просмотров: 712

Улуу Ойуунускай 125 сылыгар аналлаах тэрээьиннэр Дьокуускай куоракка урдук таьымна аастылар. Бэйэбэр олус элбэги инэринним. Оттон биири тоьоголоон тураммын бэгэьээ нуучча театрыгар ыытыллыбыт Ойуунускай айымньыларыгар Таатта биир эмиэ киэн туттар киьитэ Виталий Власов музыкатыгар Н.П.Петров салайааччылаах национальнай оркестр толоруутугар сурдээх учугэй концертка сырыттым. 
Виталий Власов ис иьиттэн иэйэн куойан туран Ойуунускай кэпсээнигэр хоьоонноругар музыка айбыта киьитэ долгутар даганы сохторор даганы. 
Дьэ бу концертка бу маннык улуу дьоннору кытта биир эйгэгэ киирэн Уеьээ Булуулэр киэн туттар кыыспыт Сахаайта Мойтохонова сыанага олоророрун керен маннай дьиктиргии кербутум. Сахаайтаны оруу оьуохай этэн дьиьигилдьитэ эбэтэр киэн эйээркэй куолаьынан бар дьон кутун тута тойук туойа турарын эбэтэр кылыьахтаах дэгэрэн ырыалары ыллаан дьин сахабыт ырыатын -тойугун таргатааччы уьуйааччы быьыытынан билэр этим.