Хоһооннор

Опубликовано: 28 февраля 2020

Просмотров: 44

ОЙУУННААҺЫН
ИЧЭЭН ЭМЧИТ

1. Күһүҥҥү хараҥаҕа
Дүҥүр эҥсилгэнэ иһиллибитэ,
Көстүбэт араҥаҕа
Ойуун эттэниитэ тиһиллибитэ.
2. Ол киэһэ модун тиит анныгар,
Сөҥүдүйэн турбутум,
Халлааҥҥа хаар былыт ааныгар
Соһуччу баар буолбутум.
3. Көстүбэт аптаах күүс ыҥыран —
Үөһээҥҥи дойдуга киирбитим,
Дьикти тыын сылыта саҥаран —
Эриэккэс эйгэҕэ ирбитим.
4. Кыырай куйаар саламата —
Маҥан нуһараҥ эргийбитэ,
Тохсус Халлаан Аарымата —
Үрүҥ Аар Тойон илгийбитэ.
5. Мунду хабаҕын курдук хаалаах
Өлбөт мөҥү уутун биэрбитэ:
«Орто Дойдугут өлүү тыаллаах —
Дьоҥҥун бу уунан эмтээ» — диэбитэ.
6. Айылҕа абынан алкынан —
Саханы кэрэнэн эмтиибин,
Сып-сырдык санааны сабынан
Сайаҕас буолууну кэтиибин!
Дом!
1996 с.

Подробнее...

Түгэнинэн олор

Опубликовано: 12 февраля 2020

Просмотров: 83

Испэктээк (монолог)
Эбэтэр Сэргэй бэйэтэ дьүһүйбүтүн бу тылларга эбэн кэпсэтэбит,
олохпут туһунан (диалог)

Хара сцена.
Хара илдьирийбит таҥастаах, атах сыгынньах гитааралаах муусукаан.
Муостаҕа эркиҥҥэ сыстан олорор.
Аттыгар бытыылкаҕа, оччотооҕу өлбөт мэҥэ уута.
Табаах буруота.

Битээлий Былааһап

Түгэнинэн олор
Олоҕу хайдах баарынан
Үөр, тыыннаах сылдьаргар

1. Алтыһыы

Сэргэй,
киһи кэпсэтэн,
ынах маҥыраһан өйдөһөр.
Ол сиэринэн
олох туһунан
кэпсэтиэх эрэ.
Көрсүспэтэхпит өр буолла,
номнуо уонча сыл ааспыт.
Сыл — хонук эбит.

Подробнее...