Печать
Просмотров: 49

Мин, Барашкова Солдатова Алексанра Константиновна, 1975 с.Саха государственнай  университетын,биолого-географическай факультетын бутэрбитим. Оччолорго эдэр специалистары гоударственнай коимссиянан ханна үлэлии бараргын быьаараллар этэ.Миигин Тааттага Чөркөөгор анаабыттара.Күһүнүгэр Чөркөөххө   уонча эдэр учууталлар тиийбиппит.Биһиги факультеттан Винокурова Виктория Васильевна биология,химия учууталынан,Николай  Степенович Карпов Юннатскай станцияга,мин география учууталынан ананан кэлбиппит.Ону тэҥэ Скрябина Надежда Павловна  нуучча тылын ,Макарова Анна Павловна математика, Егорова Февронья Николаевна омук тылын учууталынан кэлбиттэрэ.Биһигини эдэр учууталлары Чооруоһаптар дьиэлэригэр олохтообуттара.Мин  ийэбин ,иитиэх бырааппын Коляны уонна племянникпын Ильяны коһорон агалбытым.Ийэм аспытын астыыра,биһиги эдэр учууталлар биир дьиэ-кэргэн курдук ньирилээн олорбуппут.Билигин санаатахха наһаа да учүгэй кэмнэр эбит.

         Директорбыт Власов Гавриил Гаврилович,элбэх саната суох,аҥардас көрөрүттэн да соп буолар этибит,ол курдук кини сытыы харахтаага,бэйэбит оголор курдук киниттэн толлорбут.Уруогар уу чуумпу, сахсырҕа да которо иһиллиэх курдук...биьиги эдэрдэр ымсыырабыт эрэМин дьоммун Амматтан көһөрөн аҕалыахтаахпын, куттанан директорга киирбэппин.Биирдэ эр санаабын ылынан дьэ киирдим ,массыына кордоһо.Соһуйуом иһин ,хата массыына биэрэн ,дьоммун нэдиэлэни быһа айаннаан этэҥҥэ көһөрөн аҕалбытым.Суоппарбыт Вырдылин Николай Георгиевич( Тааппырый).Коля кэлин эдэр уччуталлар бары да табаарыспыт буолбута,туох эмит наада буолла да киниэхэ соруйсарбыт.Мин Кэлин 40 ча сыл оҕо иитиитигэр, 20-чэ сыл салайааччынан(завуч,директор)улэлээн бастакы директорым,наставнигым,Гариил Гавриилевич опыта,салайар дьо5ура ,киһиэхэ сыһыана миэхэ элбэҕи биэрбитэ. Кини талааннаах салайааччы,педагог,психолог этэ.Мин киниттэн элбэххэ уорэнэн,кэлин кини  биэрбит  опыта салайар улэҕэ улэлиирбэр күүс-көмө тирэх буолбута.
         Оскуола коллектива ,биһигини эдэр учууталлары наһаа истиҥник ылыммыттара.Опыттаах,элбэх сыл оҕо иитиитигэр улэлээбит ага табаарыстарбыт биһиэхэ наставник буолбуттарэ,субэ-ама биэрэллэрэ.Ол курдук,Завучпут Тамара Григорьевна,Акулина Федоровна,Дмитрий Степанович,Мэндэ Тихонович,Мария,Николай Кычкиннар,Констанин Константинович уонна да атыттар эдэр учууталларга тугунан да сыаналаммат субэлэрэ -амалара улэлиирбитигэр тирэх буолбута.Учуутал урдук аатын сугэр аналбыт Улуу Ойуунускай оскуолатыттан сагыллыбыт диэн билигин сааһыран олорон саныыбын ,киэн туттабын.
     Оччолорго совхоз директора Кашкин Хрисант Иванович. Улахан совхоз,олус үчүгэйдик үлэлээн –хамсаан олороллор этэ .Наар инники күөҥҥэ сылдьаллар этэ диэн өйдүүбүн.Биһиэхэ ,эдэр учууталлар олорор усулуобуйабытын хааччыйаллар этэ.Ол курдук мууспут,маспыт бириэмэтигэр тиэллэр,куобах балык атын да булт аһыттан матарбакка аҕалаллар.Ол сылларга оскуолаҕа улэлии кэлбит эдэр уучууталлар нэһилиэккэ сэргэхсйиини таһаарбыттара.Биһигинэ суох концерт,араас күрэхтэһиилэр,комсомольскай тэрээьиннэр ааспаттар этэ диэтэхпинэ сыыспатым буолуо.Мин волейбуоллуур буолан элбэх күрхтэһиилэргэ кыттарым,Таатта оройуонун сборнай командатыгар киирэн ДСО Урожай общество республиканскай курэхтэьиитигэр Булуугэ баран 2миэстэ буолан кэлбиттээх этибит.Манна да5атан эттэххэ Гавриил Гавриильевич наһаа үчүгэйдик волейбуоллуур этэ.Наһаа сымсатык мээчиги хантан баҕарар ыларыттан сөҕөрбүт. Оччолорго син сааһырбыт киһи буоллаҕа.Карпов Коля Феронья Ивановлыын сахалыы уҥкүүлэрэ ,групповой молдавскай үҥкуубут,Егомин Спиридон сценкалара ,Февронья Николаевна кыргыттарын кытта омуктуу ырыалара,Александр Моисеевич солота уо.д.а номердар биир да бырааһынньыгы көтүппэт буолбуттара.         
Билигин санаатахпына оскуолабытыгар элбэх ого үөрэнэр эбит,ыаллыы Кыйыттан,Победаттан оголор үөрэнэллэрэ.Үрдүкү кылаастарга  үстүү кылааска арахсаллара.Мин 9 в кылаас салайааччыта этим,оголорум үксүлэрэ Кыйылар ,кылааска 30 тахсалар этэ.Бириэмэ ааһан,сыл -хонук тургэнник ааьан иччэ элбэх огону хайдах тутан хабан, биир тылы булан улэлээбитим буолла...Ол гынан баран оголор бары наһаа учугэйдэр этэ,бэрээдэги да кэһии тахсыбытын бу диэн өйдөөбөппүн.Оскуола ологор барытыгар активнайдык кыттар этибит диэн өйдүүбун.Билигин оголорум бары улэөит буолан,улэлээн-хамсаан,оҕо-уруу төрөтөн олордохторо,бэйэм курдук хайы сах пенсионердар буоллахтара
        Дьыл- хонук түргэнэ сүрдээх..Саас ыраатан оҕолорбун барытын өйдүүр ,ахтар уустук.Хам –түм В италий Власовы,Петя Баснаевы кытта билсэбин.Уолаттарбынан киэн туттабын,ситиһиилэриттэн үөрэбин,республика киэн туттар дьоно буола үүммүттэриттэн бары да киэн туттан эрдэхпит.Большакова (Дыдаева)Леналыын Чурапчыга олорор буоламмыт билсэбит,сылдьыһабыт.Ленам элбэх оҕолоох ,сиэннэрдээх,Одьулуун нэһилиэгин биир тарбахха баттанар Далбар Хотуна.Онон син ситим быстыбат,оҕолор тустарынан истэбин.бу кэлин Эртюкова Дора,Прудецкая Ира миигин буланнар,кинилэртэн элбэҕи биллим оҕолорум тустарынан,үөрдүм.Инник бары тумсэн сибээскитин быьыман,бэйэ бэйэҕитин өйөһө-өйдөһө сылдьын.Киһи олоҕор оскуолатааҕы сыллар саамай күндү,саамай эдэр саас кэрэ кэмнэрэ буоллахтара...
Үс сыл Чөркөөх оскулатыгар үлэлээбит сылларым,олоҕум биир кундү ,кэрэ кэмнэрэ диэн сыаналыыбын.Элбэх утүө-мааны дьоннору кытта алтыһан,утуокэннээх оголору үөрэтэн,багар кинилэр үтүө дьон буолан тахсалларыгар кыракый да  кылааппын киллэрсибит буоллахпына бу мин  дьолум...

1975-78 үө.с.Чөркөөх оскуолатыгар география учууталынан улэлээбит, Барашкова Солдатова Александра Константиновна,
Россия үөрэҕириитин туйгуна,
Учууталлар Учууталлара,
Динаастия педагогов,
Чурапчы улууһун үөрэхтээһинин сайдыытын иьин бэлиэлэр хаьаайкалара
Бахсы нэһилиэгин  Бочуоттаах олохтоого,педагогическай үлэ ветерана.

Сэтинньи 22к.2021 с.,Дьокуускай к.

Вернуться назад